WG-Gspähnli gesucht :)! 🌞

Mir Alina (18ni) u Flo (18ni) sueche es Mitbewohni für üsi 3-er WG im Rosegartequartier zwüsche 18i u 30gi. D Wohnig isch sehr zentrau, viu Ichoufsmüglechkeite (Aldi, Lidl, Coop, Migros) i 5-10 Min mit ÖV. Am Bärn Bahnhof isch me oh i 15 Min mitem Bus. D Wohnig isch sehr hell, mr hei e Abwäschmaschine, 2 Balkön, eine dervo mit viu Sunne, d Wöschchuchi isch teilt mitem Block u vorem Block hetts no e Füürsteu wo me cha höckle/grille. Da mir zwöi ä rächt ungerschidleche Rhythmus hei, chunnts ni mega oft vor, dass mer zäme znächtle, aber natürlich cool wes mau z Stand chunnt. :) Bi üs sött me chönne hei cho u sech woufüehle. Drum ischs üs sehr wichtig ehrlech z sii zunenang u offe chönne z kommuniziere u fürenang da si. Wär si mir? - Alina - I schaffe momentan aus Polydesignerin 3D was o scho veu öber me us seit, da is sehr liebe me kreativ uszläbe:) I liebes z male, baschtle aber ou met auuem rond om Mode, hetme me schnäuu;) I be sehr offä zum gsprächle aber gnüsses ouu emmer weder chli för me z’syy. - Flo - ig bi oft im Rosegarte, gern im gym u ha sehr gern musik u gueti gspräch :) aktuell machi d FMS u gniesses mit tolle mönschli ufem balkon es bier ztrinke u chli zphilosophiere Steu doch o duu di churz vor u mr fröie üs, vo diir z läse :)