Befristete Wohnung in Wiedikon mit Katze

En un coup d'œil

Description

Hoi zeme Mir vermietet eusi Wohnig für en befristete Zitrum für 1-2 Persone, will mer go reise gönd. Vo Mitte September 2026 bis Mitte April 2027 isch d'Wohnig sicher z'ha (7 Mönet). Gern würed mir in Absprach mit dir/eu bliebe, so dass mer de Endtermin gmeinsam chend bestimme, also möglicherwis z'verlängere. Es handelt sich um e 3-Zimmerwohnig, wo aktuell mit eim Schlafzimmer und eim Bürozimmer usgstattet isch. S'Büro wür sich au umstelle lah in es zweits Schlafzimmer. D'Wohnig wür komplett möbeliert vermietet werde. Zude Wohnig ghört en Vorplatz (Terrasse) und e Dachterrasse, wobi d'Dachterrasse mit de andere Parteie im Hus teilt wird. D Lüt im Hus sind aber alli super liab und unkompliziart. D'Wohnig isch liebevoll und pflegt ihgrichtet, drum isch eus e ordentlichi Untermietendi miteme Aug für Suberkeit wichtig. D'Mieti betreit 2'690.- inkl. Nebetkoste. Eusi Katz d Milou lebt au ide Wohnig, drum sind nur Mietendi miteme Herz für Katze gsuecht. D'Wohnig befindet sich imne ruhige Quartier in Wiedike, mit guetem ÖV-Ahschluss (72er in 2 min, 9er und 14er in 5 min Gehdistanz). De Migros und de Coop sind au nur jewils 5 Minute entfernt. Bitte schrib öpis über dich/eu ide Bewerbig und seg eus, eb alli obe gnannte Sache für dich/eu passet. Mier freued üs vu dier/eu ds ghöre. Liebi Grüess

Équipement & caractéristiques

Toutes les caractéristiques

Emplacement & environs